Search

Јункер и повтори на Меј дека ЕУ нема повторно да го отвори договорот за Брегзит

Европската унија нема повторно да го отвори договорот за Брегзит, како што побара Лондон, но промени можат да се направат во придружна политичка декларација, изјави претседателот на Европската комисија Жан-Клод Јункер на денешната средба со британската премиерка Тереза Мај.

– Претседателот Јункер истакна дека ЕУ27 нема повторно да го отвори договорот за повлекување, се вели во заедничката изјава на Јункер и Меј, објавена по разговорите во Брисел.

– Претседателот Јункер сепак ја изрази својата отвореност да додаде текст на политичката декларација договорена од страна на ЕУ27 и Велика Британија, со цел да бидат поамбициозни во однос на содржината и брзината кога станува збор за идните односи меѓу Европската унија и Велика Британија, се додава во соопштението.

Тие даваат зелено светло за нови преговори меѓу Лондон и Брисел. Секое решение ќе мора да биде одобрено од Европскиот парламент и од земјите-членки, се истакнува во пишаната изјава.

Јункер и Меј се обврзале и дека повторно ќе се состанат пред крајот на февруар

Треба да знаете
Последни објави