На Манчестер јунајтед не му оди најдобро во англиското првенство, но сепак кога се работи за мечевите од Лигата на шампионите, тука е јасно дека Кристијано Роналдо е феноменален.
Токму Роналдо ги предводеше Црвените ѓаволи до победа на гостувањето кај Вилјареал, со која англискиот гигант си обезбеди место во нокаут фазата од Лигата на шампиони.
Беше 0:0 до 77 минута, кога Роналдо со еден магичен потег го лобуваше домашниот голман и ја најави победата на Манчестер.
До крајот на средбата, односно во 90 минута, одличен гол даде и Санчо за конечни 2:0 за Манчестер и пласман во нокаут фазата. За гигантот од „Олд Трафорд“ ова е 19-ти пат да ја поминат групната фаза, што е рекорд за еден англиски клуб.
На дуелот во Шпанија на клупата на „црвените ѓаволи“ дебитираше Мајкл Керик кој е привремено решение после заминувањето на Оле Гунар Солскјер.
Под голем притисок беа играчите на Јунајтед после серијата лоши резултати во Премиер лигата, но предводени од Керик остварија триумф во Виљареал и се пласираа во осминафиналето на ЛШ.
Делуваше дека Англичаните на ова гостување дојдоа по бод, но ја консолидираа одбраната која во првите четири меча прими дури седум голови.
