Search

Јанушев од Македонска Каменица: Со обнова ќе започне реалното зголемување на платите и пензиите

Денес носител на изборна единица 3, Игор Јанушев ја посети општината Македонска Каменица од каде што порача дека со победата на ВМРО-ДПМНЕ ќе дојде обновата на Република Македонија. А, со обновата ќе дојдат многу мерки и проекти кои ќе го подобрат животот на граѓаните.

„Денеска сме во посета на Македонска Каменица заедно со кандидатот за пратеник г-ѓа. Даниела Христова. Планираме да го посетиме пазарот, да поразговараме со граѓаните на Македонска Каменица, ќе имаме и неколку состаноци со целни групи. Она што го добиваме како порака впрочем и од цела Република Македонија е дека поддршката е на страна на ВМРО-ДПМНЕ, поддршката е на страна на обновата, поддршката е на страна на Република Македонија. Она што е интересно и што го забележувам имавме изминативе денови еден интересен настан каде што СДСМ предводени од Заев организираа еден митинг би го нарекол на една слепа улица каде што се наоѓа провалијата. И тие се обидуваат сите нас да не повлечат во таа слепа улица и во таа провалија. Но она што македонскиот трудољубив народ има да го порача е дека тие сами можат да останат во слепата улица, и сами да го продолжат патот кон провалијата, ние сите заедно, сплотени и здружени се движиме кон обнова на Македонија“, истакна Јанушев.

Јанушев додаде дека СДСМ во очај и немоќ стануваат свесни дека губат и паѓаат,  а во недостиг на проекти и она што не направиле за државата во овие три години од како се на власт, се бранат со закани.

„Ние ќе продолжиме со презентирање на наши проекти и мерки, ќе кажеме се што планираме во овие четири години да направиме. И тоа зголемување на платите, зголемување на пензиите, намалување на невработеноста, овозможување на подобар живот за секој еден граѓанин во Република Македонија“, порача Јанушев.

Јанушев вети дека обновата доаѓа на 15-ти јули, денот кога Република Македонија ќе се исправи.

 

Треба да знаете
Последни објави