Search

Штајниц: Не ја исклучувам можноста Иран да го нападне Израел

Израелскиот министер за енергетика Јувал Штајниц денеска предупреди на евентуални директни или посредни напади од Иран врз Израел, доколку би ескалирале судирите помеѓу Техеран и Вашингтон.

Тој наведе дека се „загрева” ситуацијата во Персискиот Залив.

– Доколку постои вид на судир помеѓу Иран и САД, помеѓу Иран и неговите соседи, не исклучувам дека ќе се активираат Хезболах и исламиските џихадисти од Газа или дури и ќе се обидат да истрелаат ракети од Иран кон Израел, посочи Штајниц.

САД го зголемија економскиот и воениот притисок врз Иран, а американскиот претседател Доналд Трамп ги повика иранските лидери да се откажат од нуклеарната програма за да не се случи вооружен судир.

Треба да знаете
Последни објави