Search

Шиф: Разузнавачките агенции не му даваат на Конгресот документи важни за импичментот за Трамп

Претседателот на комисијата за разузнавање на Претставничкиот дом на американскиот Конгрес, Адам Шиф, ги обвини американските разузнавачки агенции дека не му предаваат на Конгресот документи што се поврзани со Украина, а можат да имаат суштинско значење за процесот за импичмент на Трамп, пренесоа американските медиуми.

-Се чини дека тие се ставени под притисок од администрацијата, изјави Шиф во емисијата „Оваа недела ” на телевизијата Еј-Би-Си.

Шефот на комисијата за разузнавање е назначен за главен обвинител во процесот за симнување на Трамп од функцијата.

Шиф конкретно ја посочи Агенцијата за национална безбедност, која, според него, не предава важни документи.

-Има знаци дека и ЦИА можно е да тргнала по истиот трагичен пат, додаде тој.

Засега нема коментар од разузнавачките агенции, забележуваат американските медиуми.

Треба да знаете
Последни објави