Search

Шефот на ЦИА: Следните шест месеци ќе бидат „критични“ за војната во Украина

Директорот на американската Централна разузнавачка агенција (ЦИА) Вилијам Барнс изјави дека следните шест месеци ќе бидат „критични“ за војната во Украина и оти верува дека рускиот претседател Владимир Путин смета на намалениот интерес на Западот за војната во Украина и „политичкиот замор“ во него и даваат на армијата нова шанса да напредува на бојното поле.

Поранешниот заменик државен секретар Барнс го изјави ова вчера, говорејќи на Универзитетот Џорџтаун и додаде дека западните разузнавачки служби покажале дека Москва не е заинтересирана за мировни преговори, иако од време на време има индиции за спротивното од Русија, пренесува Си-Би-Ес Њуз.

„Ние не мислиме дека Путин е сериозен кога зборува за преговори, и покрај тоа што понекогаш го слушаме за тоа“, рече Барнс, пренесе Танјуг.

Треба да знаете
Последни објави