Мал авион се урна врз куќа во градот Пуерто Монт, на југот на Чиле, а во овој инцидент загинале шест лица, објавија денеска градските власти.
Авионот се урнал во близина на аеродромот „Ла Палома“ во покраината Лос Логос, во населен дел од Пуерто Монт, околу 1.000 километри јужно од Сантијаго, главниот град на Чиле. Телевизиските снимки и фотографии го прикажуваат задниот дел од авионот како излегува од запалената куќа, додека пожарникарите на местото на настанот се обидуваат да го изгаснат пожарот што се шири кон соседните објекти, пренесе агенцијата АП.
Според локалните власти, авионот се урнал кратко време по полетувањето и имал полн резервоар со гориво, а жртви во несреќата се пилотот и петмина патници.
