Во Шведска е одбиено барањето од македонските државни органи за екстрадиција на Дејан Давидовски, обвинет за настаните во Собранието на 27 април 2017 година, дознава Вечер.мк.
Давидовски беше уапсен во Шведска во април годинава по потерница на Интерпол.
Решението зошто судот во Шведска одбива да и го испорача на Македонија ДејДејан ан Давидовски е образложено во 18 точки.
Во образложението се наведува дека Дејан Давидовски според шведскиот суд е гонет и треба да биде суден во политички а не криминален процес, и дека не постојат доволно докази за дело тероризам, а крајната оценка е дека за овој предмет не се води фер и законски основана постапка.
