Search

Четири лица загинаа во снежна бура во Шпанија

Најмалку четири лица настрадаа во снежна бура што трет ден по ред беснее во поголемиот дел од Шпанија.

Околу 200.000 луѓе останаа без електрична енергија, а училиштата се затворени и патиштата се блокирани поради снегот.

Високи бранови и силен ветер ги погодија крајбрежните градови, оштетувајќи голем број на продавници и ресторани, објави „АП“.

Голем дел од североисточната провинција Герона денес е без електрична енергија, соопштија службите за итни случаи на нивниот профил на „Твитер“.

Многу училишта останаа затворени во североисточниот регион Каталонија, како и во Валенсија на југ и во Арагон.

Властите соопштија дека десетици патишта се непроодни поради снегот.

Треба да знаете
Последни објави