Селекторот на хрватската ракометна репрезентација, Лино Червар синоќа не го криеше својот бес после поразот од Германија во Келн.
Хрватска после вчерашниот пораз од 22:21 ги загуби шансите за пласман во полуфиналето и борба за медал на Светското првенство, а Хрватите беа бесни на судиите од Данска кои што според нив, не досудиле чист пенал за Хрватска при 21:20.
„Ова беше грабеж на Хрватска кој го виде целиот свет. Овие судии треба да ги ставите во затвор. Ова не е прв пат. Данците ни го одзедоа првенството во 2008, 2009 и 2010-та година и тоа треба јавно да се каже. Не може да се дозволи аматери да судат вакви натпревари и да одлучуваат за нашата судбина“, изјави Червар и додаде:
„Ние ги надигравме Германците пред нивна публика, а судиите ни ја одзедоа победата“, изјави Червар.