Search

Циципас го победи Рублев и го испрати Тим во полуфиналето во Лондон

Стефанос Циципас го доби драматичниот меч со Андреј Рублев на завршниот тениски АТП Мастерс во Лондон. По овој исход се зголеми неизвесноста во групата во која Циципас и Рафаел Надал во директен дуел ќе одлучуваат кој ќе биде вториот патник во полуфиналето од групата, бидејќи од вечерва е јасно дека првиот е Доминик Тим кој веќе забележа две победи.

Циципас го доби првиот сет преубедливо со 6:1 и најави лесна победа, но Русинот го возврати ударот и со 6:4 во вториот сет, се избори за решавачки трет сет.

Во него немаше брејкови и загубени сервиси, па тај-брејкот го решаваше победникот на мечот.

Циципас водеше со 5:2, па дозволи Рублев да дојде на 5:6, но рускиот тенисер не ја искористи меч топката, по што следуваше серија на Циципас за 8:6 и победа на овој дуел со 2:1 во сетови.

 

Треба да знаете
Последни објави