Секторот за инспекции на Општина Центар продолжува со акцијата за отстранување на диво и нелегално поставената урбана опрема на територија на општината.
Општина Центар издаде нови четири решенија на правни лица за отстранување на урбана опрема (метални застаклени и незастаклени настрешници, доградби на објекти). Со издавањето на овие решенија, општината остава во законски предвидениот рок правните лица сами да ја отстранат диво поставената опрема, во спротивно по истекувањето на рокот, општината ќе ги отстрани истите.
Општина Центар и градоначалникот на општината, Саша Богдановиќ, упатуваат апел до правните лица кои поставуваат урбана опрема на јавна површина, да ја соберат потребната документација, да се придржуваат до правилата за поставување на урбана опрема и да ги почитуваат одредбите пропишани во Законот за градење.
