Во чест на проф.д-р Сашко Јовев, кој ја направи првата трансплантација на срце во земјава, во Шибеник Хрватска вчера се провомовираше пиво со неговиот потпис.
„Ова е голема чест од Хрватска, која е светски лидер во донаторство на органи по глава на жител, за македонската кардиохирургија. Воедно и многу кул начин за промовирање на органодарителството. Одличен е и дизајнот на етикетата, со потписот на Проф. Јовев. Прегорди сме на тимот за круната во македонската државна кардиохирургија! Срцето продолжува да чука. Браво“.
Д-р Јовев беше лидерот на здравствениот тим кој годинава во месец мај ја изведе првата трансплантација на срце во земјава. Донор беше Емилија Динева која трагично го загуби животот во сообраќајна несреќа. Со чинот на донирање, одлука што ја донесе нејзиното семејство, 54-годишниот Иван Огненовски доби нова шанса за живот.
Тогаш, д-р Јовев рече дека пред трансплантацијата, докторите прогнозирале дека Огненовски би можел да живее уште неколку месеци, но по опреацијата тој се чувствуваше одлично и сега веќе е на домашно лекување.
https://www.facebook.com/filipce.venko/photos/a.1819648248342200/2458638911109794/?type=3&eid=ARCyHWamwHKvFwBkN227hcaWs-EhXfNf5zRPfIyo_xRyeua1Enn68_CaGgy2F3T98P63iKkdRXyyLGNg&__xts__%5B0%5D=68.ARCvrqiQUA6iA5RlmpwSMLYiPk1orBQoaAz1n6wfFHtbCnazdsVcKYGp6dTxe1FIYdQ4Sw10EIaNfx1vcrp9x4utdQgmWjxuXd7GkDzCF1XvKDyCwOso8D9Ij-vxoEfgv5YR7WvTEl4tTucIFLx5nVHjId8qDjCWxQZIlf6TRgYDPDmWMNwONvm40T5mP1aQJ_WktrB1N8dn_LNc2S5bWh3b7vrMaC9hPVOavmjQ9SL4SGjUmlQ_UYK6J2Ii1y3DAqRpnadh83I0Es7WlENKN968WWvvXYtt5qgDo_B_y2tOc03GjMqbhN0SGW_2nkUMSvhjXtLYsDNEe-OCRk9hsm3GwRZw&__tn__=EHH-R
