Хјустон рокетс ги разби Атланта хокс со 158:111 во еден од трите натпревари во НБА лигата кои се играа рано утрово, а јунак на средбата беше незапирливиот Џејмс Харден, кој постигна 60 поени за само 31 минути игра.
Харден воопшто не влезе во игра во последната четвртина, но и за само три квартали успеа да направи шутерско шоу во „Тојота центарот”. Тој по четврти пат во кариерата постигнува 60 или повеќе поени, со што се изедначи со Мајкл Џордан. Повеќе „60-ки” од нив имаат само Вилт Чемберлен и Коби Брајант.
Оваа игра на Харден е невидена досега, бидејќи имаше само 24 шута од поле, а досега кога еден играч дал над 60 поени, најмалку што имаше шутирано беа 26 обиди за два или три поени.
Денвер по шест победи во низа загуби по продолженија од Сакременто со 100:97, иако во еден моент имаа 17 поени предност. Кај победниците најефикасен беше Барнс со личен рекорд во дреот на Кингси-30 поени, а кј Денвер најдобр беше Гери Херис со 25 коша, додека потфрли Јокиќ со само 6 поени.
Во останатите натпревари Фиаделфија славеше со 119:116 над Индијана, а Милвоки беше подобар од Шарлот со 137:96.
