Search

Фудбалерите во Германија ги избраа најдобрите за сезоната

Здружението на професионални фудбалери во Германија ги утврди најдобрите за минатата сезона во Бундеслигата.

Неспорен бр.1 меѓу играчите е Роберт Левандовски од шампионот Баерн (Минхен), за кого гласаа 40,2%. Втор со 13,9% е Џејден Санчо од Борусија (Дортмунд), а трет е уште еден претставник на шампионот – Џошуа Кимих со 7,2%.

Уште по дефинитивен е триумфот на Ханси Флик за најдобар меѓу тренерите. Тренерот на Баварците собра 58,2% од гласовите, пред Кристијан Штрајх (Фрајбург, 11,3%) и Марко Росе (Борусија М, 6,2%).

Претставник на Баерн е исто така победник во анкетата за најдобар дебитант во првенството – Алфонсо Дејвис (Баерн, 45,9%). Втор е Ерлинг Холанд (Борусија Дортмунд) со 15,5% а трет е Флоријан Вирц (Леверкузен) со 8,2%.

Беше утврден и идеален тим:

Мануел Нојер (Баерн)
……………………………………….
Ашраф Хакими (Дортмунд)
Матс Хумелс (Дортмунд)
Давид Алаба (Баерн)
Алфонсо Дејвис (Баерн)
……………………………………….
Џошуа Кимих (Баерн)
Џејден Санчо (Дормунд)
Каи Хавертц (Леверкузен)
……………………………………….
Тимо Вернер (Лајпциг)
Роберт Левандовски (Баерн)
Ерлинг Холанд (Дортмунд).

Треба да знаете
Последни објави