Search

Француските пилоти се закануваат со штрајк

Водечкиот синдикат на пилоти во Франција (СНПЛ) ја предупреди Владата дека ќе организира штрајк од 6 до 11 мај, ако новиот закон ги намали нивните овластувања во преговорите.

Синдикатот стравува дека новиот закон за сообраќај, за кој расправа Парламентот, би можел да ги стави во истата група со другите синдикати од секторот во преговорите со пратениците или работодавачите, со што нивниот глас во преговорите за проблемите со кои се соочуваат пилотите, ќе биде ослабен.

Синдикатот за своите намери ги информирал премиерот Едуард Филип, министерката за транспорт Елизабет Борн, како и министерката за труд, Мириела Пенико.

Штрајкот може да ја погоди работата на сите авиокомпании кои работат во Франција.

Треба да знаете
Последни објави