Францускиот министер за внатрешни работи Жералд Дарманин изјави денеска по состанокот со министерката за спорт Роксана Марисинеан дека надлежните власти мораат итно да ги засилат безбедносните мерки на фудбалските стадиони.
До средбата на двајцата членови на француската Влада дојде по инцидентите во неделата на стадионот во Лион на дуелот меѓу домашната екипа и Марсеј.
Дербито меѓу Лион и Марсеј беше прекинато веќе во петтата минута, кога навивач на домашната екипа со пластично шише го погоди во главата фудбалерот на Марсеј, Дмитри Пајет.
Дисциплинската комисија му наложи на Лион до завршување на истрагата своите домашни натпревари да ги игра без публика.
– Мораме да дојдеме до заклучок, кој би го спречил повторувањето на вакви работи, но притоа фудбалот да остане атрактивен настан, изјави Дарманин.
Меѓу мерките кои ги разгледува владата во Париз се целосно затворање на стадионите и зголемување на бројот на безбедносни камери на трибините.
