Француското Министерство за надворешни работи соопшти дека мора да се разгледаат последните тврдења дека сириската влада употребува хемиско оружје.
Министерството се огласи откако во вторникот американскиот Стејт департмент наведе дека има знаци дека сириската влада можеби користи хемиско оружје, вклучувајќи го и наводниот напад со хлор во неделата во северозападна Сирија.
,,Ги примивме со вознемирување овие обвинувања, коишто треба да се разгледаат”, соопшти француското Министерство за надворешни работи на онлајн прес-брифинг.Тие порачаа дека имаат целосна доверба во Организацијата за забрана на хемиско оружје.
