Поранешната обвинителка на СЈО, Катица Јанева, за прв пат е фотографирана во куќен притвор откако пред два дена замина од истражниот затвор во Шуто Оризари.
Обвинетата во случајот „Рекет“ е фотографирана од своите соседи, а фотографијата беше споделена на социјалните мрежи утрово.
Станува збор за фотографија во зграда на улицата Митрополит Теодосиј Гологанов во Скопје, спроти студенсткиот дом Кузман Јосифовски-Питу.
За пет дена Апелација два пати го менувала мислењето за Јанева, прво да остане во притвор, а потоа да оди дома. На 14.11. судот сметал дека Јанева може да биде здравствено третирана во притвор, а на 19.11. дека и` треба терапија и хигиена во домашни услови, тврдат извори од судот.
Поранешната специјална обвинителка, пак, за време на својот мандат зела вкупно 157.000 евра надвор од редовната плата, покажуваат официјалните информации од базата „Отворени финансии“.