Невремето кое денеска зафати делови во Хрватска корнеше покриви, кршеше дрва им создаваше проблеми на граѓаните, но за среќа нема повредени и настрадани. Најпогоден беше Славонски Брод и околината. Како што пренесуваат хрватските медиуми, оштетена била и Железничката станица. Наврнале 17 литри дожд на метар квадратен, а во еден момент бил регистриран налет на ветар од 49 километри на час.
Како последица на невремето, откорнати биле и кабли и дошло до електричен спој и пожар на покрив од куќа.
