Швајцарецот Роџер Федерер го совлада шпанскиот тенисер Алберт Рамос Вињолас со 6:1, 7:6, и се пласираше во третото коло на Мастерс 1000 турнирот во Шангај.
Федерер беше доминантен во првиот сет, а во вториот имаше и неизвесност, но сепак искусниот Швајцарец не дозволи да се игра трети сет, иако Шпанецот водеше со 4:2 во тај-брејкот. Мечот траеше 86 минути.
Во следното коло, Федерер кој е втор носител, за противник ќе го има Давид Гофан или Михаил Кукушкин. Федерер го освојуваше турнирот во Шангај во 2014 и 2017 година, и ја брка својата 29-та титула од Мастерс 1000 серијата.
