Search

Уценувале со илјади евра, да не објават текстови за Драган Даравелски и Минчо Јорданов

Во кривичниот суд во Скопје, повторно, од почеток почна судењето за случајот „Шпион“, кое го застапува специјалното јавно обвинителство.

Во предметот првично беа опфатени 19 лица. На почетокот на судењето, обвинителката од СЈО, Елизабета Јосифоска, рече дека обвинетиот, Зоран Божиновски, нема да го гони за оддавање државна тајна, бидејќи, тоа кривично дело не било наведено во барањето за негова екстрадиција и дека тој ќе одговара за останатите кривични дела.

Обвинителката Јосифоска, рече дека СЈО останува на обвинението поднесено од Обвинителството за гонење организиран криминал и корупција.

Во една од точките на обвинението, обвинителката рече дека Зоран Божиновски и Марјан Ефремов, му се заканиле на Драган Даравелски дека доколку не им исплати 200 илјади евра, ќе објават податоци за него во повеќе весници, со што ќе му ги нарушат честа и угледот. Тоа најпрво било направено преку посредници. Ефремов, според обвинението, бил и во Белград, каде што се сретнал со Даравелски. Откако не успеале да му извлечат пари на Даравелски, Зоран Божиновски, почнал да објавува текстови за Даравелски на портали.

На минатото рочиште судијата Владимир Туфегџиќ најави дека Даравелски преку конференциска врска ќе сведочи во предметот, а за тоа ќе ја употреби спогодбата потпишана помеѓу Македонија и Србија за правна помош.

Обвинетите Миќо Наскоски, Зоран Божиновски и Марјан Маџовски, како што рече обвинителката, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и октуп на акциите во АД Бетон и други фирми. Во намерата не успеале, а Јорданов не ги исплатил парите.

Според СЈО, секој во криминалната група ја знаел точно неговата улога. Судењето продолжува со распит на обвинетите.

Треба да знаете
Последни објави