Украинските војници влегоа во градот Лиман, важен железнички јазол во источна Украина што беше под контрола на руските воени сили, соопшти украинската армија.
„Украинските сили навлегуваат во Лиман во регионот на Доњецк“, објави украинското Министерство за одбрана на Твитер. Доцна суноќа Министерството за одбрана објави видео на кое се гледа како припадниците на 81-та воздухопловна бригада и Националната гарда ги соборуваат непријателските, односно руските знамиња во центарот на градот.
Украинската армија претходно вчера објави дека „опколила“ неколку илјади руски војници во овој град. Гувернерот на соседната Луганска област Сергиј Гаидај на руските војници во Лиман им понуди три опции: „да побегнат, да умрат заедно или да се предадат“.
Лиман се наоѓа во областа Доњецк, која Москва ја анектираше во петокот, но не е целосно под контрола на руските војници. Загубата на Лиман би значела уште еден неуспех за руската војска, која претрпе неколку воени неуспеси од почетокот на септември и започнувањето на контраофанзивата на Киев во јужна и источна Украина.
The city center of Lyman today.
Servicemen of the 81st Airborne Brigade and National Guard tore down the enemy's flags. pic.twitter.com/5w2DpSfqId— Defense of Ukraine (@DefenceU) October 1, 2022
