Европската фудбалска федерација (УЕФА) им изрече парични казни на францускиот и српскиот шампион Пари Сен-Жермен и Црвена ѕвезда.
ПСЖ ќе треба да плати 35.000 евра поради неспортско однесување на неговите навивачи на средбата со „црвено-белите“, употреба на пиротехнички средства, како и заради несоодветно однесување на клупските челници и доцнење на почетокот на натпреварот.
Казната за белграѓани е 25.000 евра, а е изречена поради непримерно скандирање на нејзините симпатизери и предизвикување немир кај останатата публика.
Натпреварот ПСЖ – Црвена ѕвезда се одигра на 3 октомври во Париз и заврши со победа на Французите од 6:1.
