Search

Уапсен израелски војник поради заканувачки пораки кон Нетанјаху

Израелската полиција уапси 21-годишен маж, осомничен дека на социјалните мрежи поставувал заканувачки пораки против премиерот Бенјамин Нетанјаху.

Осомничениот е војник, кој меѓу другото напишал дека „постои решение, а тоа е да се собори Биби (прекарот на Нетанјаху)”.

– Тоа се случи и претходно со премиерот кој е неправедно соборен, но сега имаме премиер кој ги соборува сопствените граѓани. Веројатно тоа ќе се повтори и оправдано ќе се случи, а полицијата која е негов слуга треба да биде каменувана до смрт. Тоа е решението, се наведува во заканувачката порака, пренесена од израелските медиуми, во која се алудира на убиството на некогашниот израелски премиер Јицак Рабин во 1995 година.

Нетанјаху неодамна пријави во полиција закани со смрт упатени кон него и неговото семејство.

Треба да знаете
Последни објави