Челзи со поразен од Вест Хем (3:2) изминатиов викенд во рамките од 15. коло во англиската фудбалска премиерлигашка конкуренција ја загуби лидерската позиција. Киксот на „сините“ од Лондон го искористија Манчестер сити и Ливерпул кои со победи го прескокнаа Челзи на табелата.
Избраниците на германскиот стратег Томас Тухел имаа водство во првиот дел против Вест Хем (2:1). Во вториот дел Тухел му даде шанса на Ромел Лукаку на местото од повредениот Каи Хаверц. Замената не се покажа како прав потег, бидејќи Челзи наместо да го приведе мечот кон победнички крај, дозволи домаќинот да направи целосен резултатски пресврт.
-Јас сум виновен. Сметам дека не беше доволно физички подготвен за 45 минути, но одлучив да го ставам Лукаку затоа што го загубивме Хаверц. Детали одлучија да не направиме добар резултат. Тоа можеме веднаш да го поправиме. Никој не сака да греши, им се извиниТухел на навивачите на Челзи за киксот.
