Кавала, 64-годишен филантроп и активист за човекови права, беше уапсен пред четири години под обвинение дека се обидел да ја собори турската влада со протести кои се проширија од Истанбул низ целата земја во 2013 година.
Тој е обвинет и за шпионажа и обид за соборување на владата преку неуспешен државен удар во јули 2016 година.
Европскиот суд за човекови права во декември 2019 година донесе одлука Кавала да биде ослободен, но турските власти ја игнорираа пресудата.
Амбасадите на САД, Канада, Франција, Германија, Холандија, Норвешка, Шведска, Финска, Данска и Нов Зеланд вчера соопштија дека одложувањето на судењето на Кавала, спојување на различни случаи и отворање нов судски процес и покрај претходната ослободителна пресуда „фрла сенка врз почитување на демократијата, владеење на правото и транспарентноста”.
