Search

Трејси Морган им се придружува на Шварценегер и Девито во продолжението на „Близнаци“

33 години откако во кината се појави комедијата „Близнаци“ со Арнолд Шварценегер и Дени Девито во главните улоги, конечно се случува продолжението „Тројки“ со Трејси Морган како нов член во актерскиот тим.

Морган во продолжението ќе го глуми одамна изгубениот трет брат на Џулијан (Шварценегер) и Винсент (ДеВито), а режисерот на „Близнаци“ Ајван Рајтман ќе се врати на кормилото, објави „Дедлајн“.

„Трјки“ стана еден од најжешките проекти што се купуваат на меѓународниот филмски фестивал во Торонто, а снимањето треба да започне овој јануари во Бостон.

Оригиналниот комичен класик од 1988 година го следеше Џулиус Бенедикт односно Шварценегер, физички совршен но социјално наивен човек, кој го наоѓа својот одамна изгубен брат близнак Винсент (Девито).

„Близнаци“ беше петти филм со најголема заработка во 1988 година. Комедијата инкасираше 111,9 милиони долари во САД и 216,6 милиони долари во светски рамки.

За тројките се зборуваше неколку години наназад, а Еди Марфи првично требаше да биде третиот брат.

Треба да знаете
Последни објави