На 03.08.2020 во 14.37 часот на пат од место викано кон езеро во Крушево се случила сообраќајна незгода во која мотоцикл „јамаха“, со битолски регистарски ознаки, управуван од Ж.Т.(35) од с.Врбовец, крушевско, удрил во паркирано патничко возило „рено“, со битолски регистарски ознаки. Во незгодата Ж.Т. се здобил со тешки телесни повреди, констатирани во Општата Болница Прилеп, каде бил пренесен за укажување на лекарска помош. Увид на местото на незгодата извршила увидна екипа на Полициска станица Крушево.
