Полициските службеници на СВР Тетово во текот на јануари годинава во тетовскиот регион откриле и санкционирале 919 сообраќајни прекршоци.
Поради констатирани различни видови прекршоци, од сообраќај биле исклучени 36 возила и 145 возачи, поради истечена регистрација над 30 дена, управување без положен испит, управување под дејство на алкохол и сл..
Откриените сообраќајни прекршоци минатиот месец, заокружени се со 471 мандатен и 244 прекршочни плaтни налози. Покрај тоа, времено одземени се 47 возачки и 30 сообраќајни дозволи. Привремено одземени, исто така, се и четири возила и осум регистерски таблици. Во овој период, изготвени се и 204 писмени предупредувања.
