Search

Тегнел: Шведскиот модел долгорочно е подобар од вонредната состојба

Истакнатиот шведски епидемиолог и шеф на државната Агенција за јавно здравје, Андерс Тегнел, изјави дека неговиот коментар дека Шведска може подобро да се справи со епидемијата на коронавирус не значи и дека тој ја отфрла стратегијата што беше применета за време на кризата, пренесува шведскиот портал Локал.

-Доколку требаше да се соочиме со истиот предизвик денеска, знаејќи се што научивме во меѓувреме, мислам дека би измислиле стратегија за борба која би била нешто помеѓу тоа што го направивме  и тоа што е направено во светот, рече утринава овој шведски експерт во радио-емисија.

Неговиот норвешки колега, епидемиолог и директор во Норвешкиот институт за јавно здравје, Фрод Форланд, минатиот месец ја обвини Шведска дека премногу непопустливо се држи до плановите што ги подготви долго време пред пандемијата и затоа не успеа успешно да се прилагоди на ситуацијата, околностите и новите информации што пристигнаа по прогласувањето на пандемијата.

Шведскиот стручњак и неговите колеги во Агенцијата за јавно здравје постојано тврдат дека нивната стратегија за постепено воведување мерки и информирање на луѓето со цел да ги убедат доброволно да ги следат советите и мерките на експертите е подобра од воведувањето вонредна состојба.

Тагнел, меѓутоа, оцени дека премногу луѓе го загубија својот живот од Ковид-19.

Треба да знаете
Последни објави