Центарот на германската кошаркарска репрезентација Даниел Тајс побара поголема почит од домашната спортска јавност.
Германија вчера ја победи Полска во мечот за 3. место на Евробаскет 2022 со 82:69.
– Кога летово се собравме со сите, рековме дека медалот е нашата цел. Очигледно, кога ќе стигнете до полуфиналето, сакате да стигнете до финалето за да се натпреварувате за злато. Бевме разочарани по поразот, но ја постигнавме крајната цел, изјави кошаркарот за порталот „Еурохупс”.
Тајс се надева и дека гледачите и другите тимови ќе почнат да ја почитуваат германската репрезентација откако таа го освои бронзениот медал на ЕП.
– Сакаме да играме успешна кошарка со репрезентацијата. Сега луѓето и тимовите исто така треба да не почитуваат. Имаме одличен тим, што го докажавме на овој турнир и се надеваме дека во годините што доаѓаат ќе можеме да го правиме истото.
Триесетгодишниот Тајс од оваа година е член на Индијана Пејсерс. Во 2016 година тој беше најефикасен играч во германскиот шампионат.
