Search

Судот му пресуди на Трамп да плати два милиони долари

Судот во Њујорк му наложи на американскиот претседател Доналд Трамп да плати два милиони долари по тужбата дека ја злоупотребил неговата хуманитарна фондација за политички и деловни интереси. Судијата Селијан Скарпула, исто така, го одобри договорот за затворање на фондацијата на Трамп и за поделба на преостанатите 1,7 милиони долари на други непрофитни групи.

Обвинителството во Њујорк лани поднесе тужба во која наведе дека Трамп и членови на неговото семејство нелегално ја користеле фондацијата за деловни интереси, но и за кампањата за претседателските избори во 2016 година.

Обвинителството бараше Трамп да плати 2,8 милиони долари отштета, но судијата го намали износот. Адвокатите на фондацијата за тужбата рекоа дека е политички мотивирана.

Треба да знаете
Последни објави