Речиси 600 видови растенија исчезнале од природата во изминатите 250 години, според истражувањата на научниците кои анализирале популација од 330.000 видови растенија од целиот свет.
Тие тврдат дека од 1900 година до денес во просек годишно исчезнувале по од три видови растенија, што е 500 пати побрзо отколку кога станува збор за природното изумирање на растенијата кои растат од семе, јави Би-Би-Си.
Поголемиот дел од ова се случило на изолирани острови како што се Хаваи и Маурициус, потоа во Австралија, Бразил и Индија, каде што растителните видови се повеќе ранливи на промените во животната средина врз кои влијаат луѓето. Научниците велат дека областите на исчезнување на растенија се совпаѓаат со области на изумирање животни.
Научниците од Универзитетот во Стокхолм и нивните колеги од Кралскиот ботаничка градина заклучија дека 571 вид растенија исчезнале, двапати повеќе од изумрени птици, цицачи и водоземци или вкупно 217 видови. Се стравува дека тоа не е вистинска слика, и дека бројката е многу поголема.
