Грција ја зафати студен бран со температури под нулата, а снег паѓа дури и во јужните делови од земјата и главниот град, Атина.
Националните споменици и археолошките локации во Атина се прекриени со помала снежна покривка, а училиштата ширум Атика се затворени, јавија агенциите.
Истовремено, полицијата презеде мерки и го забрани сообраќајот на голем број регионални патишта за да се избегнат непожелни ситуации.
Снегот истотака создаде прекин во железничкиот и автобускиот сообраќај во некои делови од земјата.
Во северниот дел на Грција, температурите утрово паднаа на минус 20 степени, пренесе „Ројтерс“.