Повеќе од 1.300 пожарникари се борат со шумскиот пожар во планините на Јужна Калифорнија, каде се загрозени околу стотина ранчови и селски домаќинства.
Пожарот се простира на околу 62 квадратни километри во планинскиот реон Санта Ињес, западно од Санта Барбара.
Поради огнот е затворен и главниот автопат во округот.
Метеоролозите предупредуваат дека најавениот силен ветер може дополнително да го разгори огнот.
Пожарите во Калифорнија оваа година веќе изгореа 10.101 квадратни милји и уништија повеќе од 3.600 домови.
