Search

Стоматолошка ординација на Македонци во Сандански уништена во подметнат пожар

Сопружници стоматолози од Пробиштип кои заминале на печалба во Бугарија останале без ординацијата која им изгорела во подметнат пожар, вчера во санданското село Ново Делчево.

Експлозијата се случила вчера околу 3 часот изутрината, а стакла од објектот се разлетале и по тротоарот. Целата апаратура и мебелот во ординацијата се уништени. Освен стоматолошката ординација ништо друго не е оштетено. Сопружниците заминале во Бугарија со своите деца пред четири години. Стоматолозите оделе да работат во ординацијата во Ново Делчево, која им била изнајмена, во петок, сабота и недела, додека пак за преноќување заминувале во Сандански.

-Мое мислење е дека, ординација намерно е запалена. Мислам дека тоа е дело на конкуренцијата, затоа што даваат услуги по пониски цени, вели кметот на Ново Делчево, Валентин Апостолов.

Според првичните проценки, пожарот бил подметнат откако низ прозорец фрлиле молотов коктел. Штетата е проценета на 10.000 евра.

Видеото може да го погледнете ТУКА.

Треба да знаете
Последни објави