Search

Стоилов: Оваа репрезентација е на вистински пат, видовме дека можеме и без Лазаров

Македонската репрезентација денес одигра храбро против Словенија, но на крајот сепак бевме поразени со 27:25.

Сепак, нема зошто да се разочаруваме. Денес одигравме еден добар натпревар, а пресудни беа техничките грешки и искуството на Словенија. Словенија е репрезентација со играчи кои играат во најсилните европски клубови, додека ние сме репрезентација која се гради.

Стојанче Стоилов е еден од најискусните во нашата селекција и изрази задоволство од играта денес.

„Прво честитки до Словенија за победата. Денес не одиграа најдобро затоа што ние ги натеравме да играат така. И недостасува искуство на оваа репрезентација, немавме и среќа да освоивме бод или да победиме денес. Се надевам дека ваква игра само со помалку технички грешки ќе прикажеме и на следните два натпревари“.

Македонија денес на теренот беше без Кире Лазаров кој поради повреда ја имаше само улогатан а селектор.

„Киро не ги граше пријателските натпревари и се навикнавме и без него, момците видоа дека можат без него. Правевме грешки во одредени моменти поради избрзувањето и неискуството. Видовме дека можеме и вака, промена на генерации мора да има, а оваа репрезентација е на вистинскиот пат“, изјави Стоилов.

Следниот натпревар на Македонија е против Црна Гора во сабота.

Треба да знаете
Последни објави