Капитенот на македонскиот ракометен првак Вардар, Стојанче Стоилов кој го придружуваше првиот човек на „црвено-црните“ Михајло Михајловски на денешнате прес-конференција, искажа големо разочарување од одлуката на ЕХФ да ги елиминира од меѓународната сцена.
-Разочаран сум од одлуката на ЕХФ, сите сме шокирани. Не се свесни каква е ситуацијата во клубот кај нас. Бездушно не казнија кога долговите беа при крај и се беше исчистено. Токму кога застанавме на нозе по неколку тешки години по титули во ЛШ, оваа одлука на ЕХФ, не враќа назад призна Стоилов и продолжи:
-Како што кажа и Михајло, не сакаме да нагаѓаме, но и претходно имаа можност да не казнат, но ова сега е некоја чудна казна. Јас гледам субјективно, овде сум долго и ќе останам до крај, ќе поминеме низ ова. Се надевам дека Михајло нема наскоро да си замине и ќе остане со нас. Сепак е во право за она што го збори, дека е во години, дека сака мирен живот, но Вардар се уште не е достасен за тој да не напушти, потребен ни е. Еве јас да пренесам еден апел…. не беше одамна кога освојувавме титули во ЛШ, во тешка ситуација во клубот. Успесите брзо се забораваат од ЕХФ. Вардар не смее да згасне, иако имаше ветена помош, ништо од тоа. Знаат добро дека беше тешка ситуацијата, пандемија, војна, но сепак чудна беше одлуката на ЕХФ. Не играме во ЛШ и тоа е чекор назад за нас. Михајло рече ќе обезбедиме уште некој играч за да бидеме конкурентни за домашното првенство, порача Столе Стоилов.
