Search

Средба на претседателот Пендаровски со ректорката на УКИМ проф. д-р Билјана Ангелова

Претседателот Стево Пендаровски денеска ја прими ректорката на Универзитетот „Свети Кирил и Методиј” во Скопје проф. д-р Билјана Ангелова и проректорот за финансии, инвестиции и развој проф. д-р Лазо Пендовски.

На средбата претседателот Пендаровски беше информиран за тековните активности и предизвици со кои се соочува УКИМ.

Во таа насока претседателот беше запознаен со реализацијата на Колективниот договор на УКИМ, којшто е потпишан со Собранието на Република Северна Македонија како основач на овој универзитет, како и за проблемите во финансирањето на научно-истражувачката дејност и капиталните инвестиции од страна на државата за УКИМ.

Претседателот Пендаровски даде поддршка на напорите на раководството и синдикатот на УКИМ за целосна реализација на потпишаниот Колективен договор во соработка со Владата и надлежните министерства. Претседателот Пендаровски посочи на значењето и важноста од квалитетно високо образование и истакна дека државата мора континуирано да ја поддржува научно-истражувачката дејност и развојот на универзитетите.

Треба да знаете
Последни објави