Search

Србија е прва во светот по бројот на хоспитализирани пациенти со корона

Според податоците од страницата „ourworldindata.org“, која собира и објавува информации на табели, за пациенти со Ковид-19 од целиот свет, пред два дена Србија беше прва на листата на хоспитализирани пациенти на милион жители, објавија српските медиуми.

Оваа „неславна титула е стекната“ со 6.726 пациенти кои се во здравствените установи и привремените болници во Србија, а тоа се луѓе за кои е потврдено дека го имаат вирусот, односно за кои постои сомневање дека имаат коронавирус.

Според бројот на хоспитализирани пациенти поради последиците од коронавирусот, првите три земји во светот се САД, Велика Британија и Србија. Споредено со САД, каде што живеат над 300 милиони луѓе и Обединетото Кралство, која има над 60 милиони жители, во Србија има нешто помалку од седум милиони, а бројот на луѓе кои моментално се во болница е огромен за нашата земја.

За споредба, пред два дена во САД се хоспитализирани 47.612 лица со коронавирус, во Велика Британија 8.238, а во Србија 6.726. Според бројот на хоспитализирани поради Ковид-19 на милион жители, во првите пет земји се најдоа две земји од регионот, Хрватска и Словенија, кои се на второ и трето место.

 

Треба да знаете
Последни објави