Search

Спорот на ЕУ и Колумбија за замрзнатиот помфрит пред Светската трговска организација

Европската Комисија по бројните обиди да го реши спорот на билатерално ниво, денеска официјално отвора процедура пред Светската трговска организација (СТО) против Колумбија поради замрзнатиот помфрит од Белгија, Германија и Холандија.

ЕУ и забележува на Колумбија дека анти-дампинг мерките воведени против европскиот замрзнат помфрит се нелегални според правилата на СТО.

И покрај бројните интервенции Колумбија да ги повлече неоправданите мерки, не добивме задоволителен одговор, затоа сега преземаме чекор за отворање предмет во СТО. ЕУ ќе продолжи да го користи мултилатералниот трговски систем за да се почитуваат правилата кога други ги прекршуваат, посебно кога тоа ги става во опасност работните места и индустријата на ЕУ, се надеваме дека наскоро ќе го решиме спорот, изјави еврокомесарката за трговија, Сесилија Малмстром.

Богота воведе заштитни мерки против европскиот замрзнат помфрит во износ од три до осум отсто минатата година, што, според европските служби, засега 85 отсто од извозот на замрзнат компир од ЕУ односно 19 милиони евра годишно.

Процедурата пред СТО предвидува начелно двомесечна консултација, СТО потоа ќе им понуди на двете страни опции за решавање на проблемот на взаемно прифатлив начин.

Треба да знаете
Последни објави