Search

Соло тато: познати самохрани татковци

Кога станува збор за селебрити родители, фокусот е поголем на самохраните мајки. И со право, имајќи предвид дека е вистински подвиг да се воспитува дете самостојно, особено во ера каде разликата во платите меѓу половите е очигледна.

Но, каде се слободните татковци? Традиционално, тие добиваат помалку медиумско внимание, а сепак има многу татковци кои биле самохрани родители на своите деца во одреден момент.

Лиам Нисон – овој актер таблоидите го ставаат на врвот на листата соло татковци. Тој е  самохран родител со два сина, Мајкл (роден 1995) и Даниел (роден 1996). Според многумина, тој е брилијантен и прилично заштитнички татко. Актерот остана вдовец во 2009 година кога неговата сопруга, актерката Наташа Ричардсон, загина во трагична несреќа на скијање.

Том Круз – пред разводот со Кејти Холмс, Круз веќе беше сaмохран родител со полно работно време. Круз претходно беше во брак со Никол Кидман. Бидејќи Кидман првично имаше проблеми со зачнувањето, тие одлучија да посвојат. Посвоените две деца, Изабела Џејн Кидман Круз е родена во 1992 година и Конор Ентони Круз, роден во 1995 година. Кидман отворено призна дека никогаш немала многу силна врска со двете деца. Всушност, ниту едно не ја нарекло „мама“. Беше сосема нормално децата да изберат да останат со Круз, кога тој поднесе барање за развод во 2001 година.

Џони Деп – овој актер е познат е по тоа што игра неконвенционални улоги, но она што многу луѓе не го знаат е дека тој ја живее улогата на самохран татко на своите две деца, Лили-Роуз и Џек.

Самохрани татковци се и Ал Пачино, Џејми Фокс, Колин Фарел, Идрис Елба, Рајан Филип, пејачот-текстописец Сил, пејачот Рики Мартин и многу други.

Треба да знаете
Последни објави