Search

Советот за безбедност на ОН ќе расправа за Косово

Советот за безбедност на Обединетите нации денеска ќе го разгледа редовниот шестмесечен извештај на генералниот секретар на ОН за работата на Мисијата на ОН на Косово (УНМИК).

Србија на седницата ќе ја претставува министерот за надворешни работи Никола Селаковиќ, а Косово претседателката, Вјоса Османи.

Извештајот ќе го претстави шефот на УНМИК и специјалниот претставник на генералниот секретар на ОН, Захир Танин, кој рече дека новиот извештај се фокусира на владините реформи, владеењето на правото, безбедносните прашања и ситуацијата со пандемијата на коронавирус.

Во пресрет на седницата, како дел од редовните консултации, Танин разговараше одделно со претседателот на Србија, Александар Вучиќ и со премиерот на Косово Албин Курти. Сесијата започнува во 16 часот по средноевропско време.

Претходната седница на Советот за безбедност на ОН, на која се разговараше за шестмесечниот извештај за работата на УНМИК, се одржа на 13 април во онлајн формат, поради пандемијата.

Треба да знаете
Последни објави