Search

Словенечкиот премиер го отфрли предлогот за зајакнати мерки против мигрантите

Словенечкиот премиер Mарјан Шарец денеска ги отфрли тврдењата на опозициските десничарски партии дека неговата Влада нема адекватен одговор на зголемениот прилив на мигранти и го отфрли нивниот предлог за зајакнување на мерките.

Шарец истакна дека подрастични мерки за соочување со миграциските токови во сегашната ситуација не се потребни. – Словенија и предложи на Европската комисија да се зајакнат овластувањата на Фронтекс во спречувањето на илегален транспорт на луѓе на надворешните граници на Европската унија, посочи словенечкиот премиер.

Според него, зајакнатата улога на Фронтекс би се применувала на надворешните граници на Република Хрватска кон земјите кои не се членки на ЕУ, или „уште подобро на границата меѓу Грција и Северна Македонија, каде исто така има значителен број потенцијални мигранти и бегалци”.

– Во таа смисла би било добро со Северна Македонија што побрзо да почнат преговори за членство во ЕУ, иако, според него, земјата не ги исполнила сите критериуми, пренесува словенечко „Дело”.

Треба да знаете
Последни објави