Словачкиот министер за животна средина, Ласло Солимос, објави дека поднесува оставка откако, наводно, пијан со својот брат учествувал во демолирање на кинески ресторан во Братислава во средата вечерта.
Тој беше уапсен за напад на персоналот на ресторанот и уништување на инвентарот, а според полицијата, вработен во ресторанот по нападот побарал лекарска помош.
Полицијата не го објави идентитетот на сторителот, а порталот „Плуска.ск“ известуваше ноќта меѓу средата и четвртокот дека насилникот е Солимос – член на унгарско-словачката партија Мост Хид.
Според извештаите на медиумите, уапсениот пијан човек бил гласен во знак на протест против апсењето, тврдејќи дека тој е министер за животна средина.
Премиерот на Словачка, Питер Пелегрини, во четвртокот го повика Солимос и побара јавно извинување.
По состанокот, министерот објави дека поднесува оставка, но одби да одговори на новинарските прашања.
