Интер го освои италијанскиот Суперкуп во средата навечер откако во финалето го совлада Јувентус со 2-1.
Актуелниот освојувач на Скудетото славеше против освојувачот на Купот со голот на Алексис Санчез во 120. минута, а претходно 90 минути заврши со резултат 1:1.
Јуве поведе со голот на Вестон Мекени, а Интер израмни со голот на Лаутар Мартинез од пенал изнуден од Един Џеко.
Интер на крајот успева да постигне гол во последните секунди и да стигне до големо славје. Сега медиумите во Италија шумолат по фотографиите на главниот судија од споменатиот меч, Даниеле Довери.
Имено, Довери беше забележан на аеродромот со чанта на Интер, што секако веднаш беше повод за нова бура, а особено им пречеше на навивачите на Јувентус кои најдоа дополнителна причина за победата на Интер.
Иако, рака на срце, Довери немаше големо влијание и не може да се каже дека судеше во корист на Интер. Сепак, Јуве наводно побарал од раководството на лигата да се преигра финалето на Суперкупот откако во јавноста протекоа фотографии од Довери.
FC Juventus comunica di aver presentato alla Lega Serie A una richiesta per far rigiocare la partita di Supercoppa in seguito alle foto, emerse questa mattina, dell’arbitro Doveri, che lo ritraggono con uno zaino dell’Inter. pic.twitter.com/yf0WYCo74f
— Alvaro Morata (@finoallafine922) January 13, 2022