Пандемијата на коронавирус во Шпанија ги погодува сиромашните, старите лица, маргинализираните и оние кои работат на ниско платени, но клучни работни места, предупредуваат експертите.
Лекарите на Каталонскиот форум за примарна грижа предупредуваат – ниските платени работници се многу изложени на вирус.
Луѓето кои работат во трговски центри, супермаркети и старски домови, но и чистачите, честопати се без маски. Така се заразуваат, а потоа одат дома и ги заразуваат луѓето околу нив, затоа што тие претежно живеат во помали станови и немаат можност да се изолираат.
Покрај тоа, сиромаштијата и лошата здравствена состојба исто така многу влијаат, велат – колку сте посиромашни, толку е полошо вашето здравје. Поради ова, шансите за зараза од „Ковид-19“ се концентрирани во сиромашните населби.
