Животот и кариерата на Џенет Џексон ќе се истражува во четиричасовен документарен филм што треба да се емитува A&E Networks.
„Џенет“ ќе се прикажува две ноќи на „Лајфтајм“ и A&E следната година, пренесува „Дедлајн“.
Документарецот, кој се снимаше три години, ги бележи успоните и падовите во личниот живот на Џенет, како и нејзиниот музички успех.
Продуцентскиот тим доби пристап до досега невидени домашни видеа и архивски снимки од Џенет.
Филмот ќе даде интимен поглед во животот на Џенет и ќе опфати теми како смртта на нејзиниот брат Мајкл, раѓањето дете подоцна, и нејзиниот настап во „Супербол 2004“ со Џастин Тимберлејк.
