Search

Се огласи Кристијано Роналдо: Бројките не лажат, ја заслужив Златната топка

Фудбалерот на Јувентус, Кристијано Роналдо остана „со празни“ раце откако неговиот поранешен соиграч од Реал Мадрид, Лука Модриќ ја однесе Златната топка од манифестацијата одржана на 3. декември.

Сепак, Португалецот е убеден дека тој требало да го освои и годинешното признание, а за тоа покажуваат и бројките зад неговото име.

Роналдо постигна 45 погодоци на вкупно 58 натпревари за клубот и репрезентацијата во 2018 година, а во април постави и нов рекорд во Лигата на шампионите постигнувајќи погодоци на 11 натпревари со ред во најелитното европско натпреварување.

– Мислам дека ја заслужувам Златната топка секоја година. Работам за тоа, но доколку не ја освојам тоа не значи дека е крај на светот. Бројките не лажат, но не мислете дек ајас сум помалку среќен што не ја освоив. Имам фантастични пријатели и семејство, играм за еден од најдобрите светски клубови, дали мислите дека би одел дома и би плачел?- коментираше Роналдо за италијанските медиуми.

Треба да знаете
Последни објави